Manna Mulina

Si parti da Bassa Torra, da u panneddu d’intrata di u situ, piddà a dirrizzioni Conca à mani manca, pò u chjassu litturali, in Canuseddu, travirsà u muru, u picculu rinaghju è andà sin’à a Cala d’ Acudda. Ùn si va micca nant’à a rena, si stà nant’à u chjassu chì si ni codda à manca di a vadina chì si franca più luntanu. À a cansa piddà à manca dirizzioni Manna Mulina. U chjassu ricodda a vaddi interna di u Vangonu d’Auccia par ghjunghja à una funtana è à una carbunaghjola.
Codda dopu in a machja sin’à un muru da suvità senza francà lu. U pianu di Manna Mulina si vedi tandu è dopu à u muru, si scopra una vista magnifica di a costa è in u fondu, di a torra di Senetosa.
Caminà versu u nordu par ghjunghja, fora di strada, à una bedda vista da induva si pò veda, stu colpu, a torra di Campumoru. U chjassu si ni fala in cori di una machja zippa versu di a piaghja di Canuseddu. Si franca a vadina, è si pidda u ghjiru di Canuseddu par u ritornu.
Suvità u chjassu sirpintinu, chì codda in u vaddi in parti umbrosu. Si franca vechji ribbi nant’à a sarra, par scopra una vista particulari nant’à a marina di Campumoru.
Più indà, u chjassu travirsà u muru in petri è ghjunghja à l’aghja di i Pozzi, a torra si vedi tandu. Dopu à l’aghja piddà u caminu di u ritornu dirizzioni Campumoru, suvitendu i curbi di niveddi.
Ritornu à Bassa Torra, surtindu di a chjarina passà davanti u panneddu di u situ par ritruvà u chjassu.