Sindicatu Elisa

UNA SQUADRA À U SIRVIZIU DI I SITI

Da po 25 anni ci hè statu una pulitica attiva di prisivazioni è di missa in valori di sti siti naturali par u Cunsirvatoriu di u litturali, i cumuni è i so cullaburatori:

  • Invintarii di u patrimoniu naturali ( tarranu è marinu) et culturali;
  • Riabilitazioni di i torri di Campumoru è di Senetosa;
  • Riabilitazioni è missa in valori di u picculu patrimoniu custruitu;
  • Apartura, assestu è mantenimenti di 60 chm di chjassi pidini è cavaddini;
  • Missa in opara di una signaletica;
  • Impidimentu di u camping salvaticu nant’à i siti;
  • Prutizzioni di i duni di Roccapina è Cala Barbaria;
  • Riabilitazioni di u fanali di Senetosa è criazioni di u rifughju;
  • Criazioni di spazii di staziunamenti;
  • Edizioni di fuglietti è libri…

Elisa hè un sindicatu intracumunali chì hè fattu da i cumuni di Belvidè Campumoru, Grossa è Sartè. U Cumitatu sindicali chì faci i diliberazioni, hè cumpostu di sei diligati (dui à cumuna) chì sceddini un Prisidenti è dui vice prisidenti eletti. U sindicatu s’arrimba à una squadra permanenti cumposta da un aghjenti amministrativu è di cinqui vardiani chì sò incarica di missioni di gistioni nant’à i siti di Campumoru Senetosa, Cala Barbaria è Zivia. Par quissa a Cullitività di Corsica è l’Uffiziu di l’Ambienti di a Corsica aiutani di modu finanziaru à Elisa.

I cumuni di Belvidè Campumoru, grossa è Sartè ani, da u principiu, cuntribuitu à acquistà i bè numarosi di u Cunsirvatoriu di u litturali, nant’à u tarritoriu sartinesi. U sindicatu Elisa esci di a vulintà di sti trè cumuni d’essa impignati in a prutizioni è a gistioni di sti spazii naturali.