Rifughju

Fanali di Senetosa

APARTURA

Apartura di u rifughju da u 29/06/2020 à u 31/10/2020.
U restu di l’annu cù una risirvazioni à cuntà di 10 parsoni.

PREZZI

Stanza: 20€ / pars / a nuttata Stanza cumuna : 15 € / pars / a nuttata Bivaccu : 8 € / pars / a nuttata Dighjunu : 6,50 €. Linzoli da appighjunà: 3 € / pars Tenda da appighjunà: 7 € Ghjittonu pà a duscia : 3 € / pars

Phare de Senetosa

ISULOTTU DI VITA UMANA PERSA IN CORI DI L’IMMENSITÀ DI UNA NATURA SALVATICA È PRUTETTA.

In cori di u situ naturali prutettu di Campumoru Senetosa, prupiità di u Cunsirvatoriu di u Litturali, u fanali hè duvintatu una piantata urighjinali par quiddi chì spassighjighjani nant ‘à i guasgi 60 chm di chjassi aparti è accunciati da u Cunsirvatoriu è u Sindicatu Elisa trà u paisolu di Campumoru à u nordu è quiddu di Tizzà à u suddu. U rifughju di Senetosa si pò paragunà à quiddi muntagnoli di u fattu ch’iddu hè scantatu, di l’impussibilità di ghjunghjici in vittura o mezzi di trasportu muturizzati, è di pocu è micca cunfortu. U camping salvaticu è i bivaccu essendu intardetti nant’à tuttu stu situ naturali, i spassighjatori, cavadderi o altri kayakisti si poni avà ritruvà in stu locu passanti è autenticu, par stà ci una notta o dui.

U Fanali di Senetosa vi accodda:

  • in stanza doppia (4x2 letti)
  • in stanza cumuna (2x8 letti)
  • bivaccu (40 piazzi)

Una cucina cumpleta, 2 sali di duscia, una cantina, cabinetti di modu seccu, sò à a dispusizioni di i visitori. Linzoli di saccu (o sacchi da dorma) è tendi si poni appighjunà.

Storia

U fanali di Senetosa hè statu custruitu abbastanza tardi par rapportu à u prugramma d’illuminazioni di a Corsica. A so custruzzioni s’hè fatta dopu à u naufragiu di u Tasmania è cuncipita da l’inginiori Zevaco. I travaddi ani cuminciati in u 1889 è u fanali hè statu incesu u 15 di maghju 1892 cù un focu biancu chì si schiariscia tutti i 5 sicondi. Assignalighja a zecca di i Monaca è l’intrata à punenti di i Bocchi di Bunifaziu.
Prima schiaritu cù oliu minerali, si cambia in u 1906 è viaghja cù vapori di pitroliu. U fanali sarà dopu elettrificatu è automatizatu in u 1988.
Senetosa era unu di i soli fanali abitati di Francia in stu principiu di XXIu seculu, l’ultimi vardiani sò partiti in 2008.
Una parti museograffica hè aparta à u pubblicu drintu u rifughju.