Cundizioni Generali di Vendita
Spluttatori
Sindicatu Elisa
Carrughju Canali
20100 Sartè
Cuntatti cumirciali:
- à u teleffonu: 06 27 77 48 89
- Par missaghjaria, eccu l’adrizza: fanali@syndicatelisa.corsica
Articulu1: dispusizioni ginirali
A lingua di quisti cundizioni ginirali di vendita è d’usu di u situ internet hè u francesi.
A compra di nuttati o pristazioni si devi fà par una risirvazioni è un pagamentu in ligna fendu a cunissioni à l’adrizza internet « campumoru-senetosa.corsica ». I nuttati sarani pruposti sicondu i dispunibilità.
Ùn si pò cumprà più di dui notti à suvitassi quali idda fussi a scelta par dorma.
U clienti si devi identificà cumplittendu u furmulariu in ligna chì li parmetta di risirvà i nuttati è prestazioni. Par finalizà a so cummanda u clienti divarà accittà sti cundizioni quì. Com’è dumandatu par l’articulu 1369-5 di u Codici civili, u clienti t’hà a pussibilità di virificà u ditagliu di a so cummanda è u so prezzu, di curreghja certi sbagli, nanzi a cunfirmazioni difinitiva. Un missaghju di cunfirmazioni li sarà mandatu da u situ internet è un ricivutu da a banca. U clienti pudarà virificà u statu di a so risirvazioni à ugni mumenti fendu a cunnizioni à u so contu via u situ internet. u missaghju di cunfirmazioni di a risirvazioni sarà prisintatu à u vardiani di u rifughju.
Ugni cummanda vali d’accità a discrizzioni di i sirvizii, di u rigulamenti è di i prezzi dati nant’à u situ internet.
I dispusizioni di l’articuli 1952 è altri di u codici civili chì valini par l’ustaraghji, ùn valini par u rifughju di Sinitosa. A rispunsabilità di u Sindicatu Elisa ùn pò essa ingaghjata in casu d’arrubbeccia o di distruzzioni di robba parsunali.
Articulu 2: Discrizzioni
U rifughju di Senetosa si trova nant’à a cumuna di Sartè, hè a prupiità di u Cunsirvatoriu di u litturali. Hè amministratu da u Sindicati Elisa, sionti à a cunvinzioni di diligazioni di gestioni di u 3 di dicembri 2018. Ci si ghjunghja par mari o par u chjassu di u litturali partendu di i paesi di Campumoru è Tizzà.
Si parla di un fanali chì tena a so vucazioni didicata à a sicurità maritima. Hè statu rifattu è accunciatu da pudè riceva 24 piazzi da dorma drintu è 40 piazzi suttutenda in l’accinta.
U rifughju t’hà una cucina, una sala da manghjà, sali di duscia cullittivi è individuali è cabinetti à l’asseccu. A distribuzioni di l’acqua in i dusci è laveddi si faci sionti i quantità dispunibili.
Supralocu si pò cumprà solu robba da bia. hè indispinsevuli di priveda robba da manghjà.
U rifughju hè apartu tutti i ghjorna da a mità di u mesi d’aprili, à a mità di u mesi d’uttrovi (rinsignamenti di i dati pricisi d’apartura è di chjusura nant’à u situ web o a paghjina Facebook di u rifughju). In stu tempu unu o parechji vardiani si trovani suprapiazza. Fora di st’epica, si pò fà risirvazioni 7 ghjorna travaddati, nanzi a data di u sighjornu sceltu, è à cuntà di un gruppu fattu di 1à parsoni. Quandu una risirvazioni hè arrigistrata, l’altri piazzi dispunivuli sò pruposti à a vendita à l’unità, à un antru gruppu o un antra parsona.
Articulu 3: Rigulamenti interiori.
- Nant’à u chjassu di u litturali, hè intardettu di praticà u camping è di u bivaccu.
- I vitturi è altri mezi di trasportu à mutori sò intardetti nant’à i chjassi.
- Si devi rispittà a paci di i loca è di l’aghjenti.
- I letti è piazzi da dorma devini essa lacati nanzi 9 ori è mezu di mani, è l’arrivi si facini à cuntà di 5 ori dopumeziornu.
- L’usu di u focu hè più cà intardettu.
- Ugnu accuppanti devi purtassi u so rumenzulu cun iddu.
- I stanzi, stanzi cumuni è tendi, devini essa lacati, senza parsoni ni robba nanzi à 9 ori è menu di mani.
- I ziteddi devini stà suttu a surviglianza di i babbi è mammi o di l’accumpagnanti.
- Ùn si pò dispiazzà u so locu da dorma.
- Ugnunu devi cunnoscia i statuti è rispittà li
- L’animali di cumpagnia ùn sò accitati.
Articulu 4: Mudalità di pagamentu.
I prezzi mintuati nant’à u situ internet sò prezzi netti ttc in Aurò (€).
U pagamenti di i nuttati o pritazioni scelti sò da fà à a cummanda è si facini cù una carta bancaria ( Visa, Eurocard, Mastercard), sò sicurizati. I cummandi sarani cunfirmati una volta chì a banca avarà validatu u pagamentu par carta. U ricusu di l’autorisazioni di debbitu di u contu bancariu porta subitu à l’annulazioni di a cummanda.
Tutti i tassi, pagarii è solda chì pudariani essa dumandati à un clienti chì passa cumanda da un paesi altru cà a Francia, li tuccarani ch’iddi fussini finanziari o amministrativi.
I scecchi di paesi stragneri ùn sò accittati.
Articulu 5 : prezzi
I prezzi di tutti i pristazioni sò dispunubili nant’à u situ di risirvazioni in ligna è affissati à u rifughju.
A pighjò privativa, qual ‘iddu fussi a quantità di parsoni prisenti, ùn hè pussibili.
I letti è altri ch’ùn sò accuppati à cuntà di 8ori è mezu di sera, o ch’ùn sò micca stati assignalati in ritardu, sarani di fattu rimmissi in vendita.
I ziteddi di menu di 3 anni ùn pagani micca riguardu à a famidda.
Articuli 6 : Drittu di rinuncia è rimbursamenti
U clienti dispona di un tempu di rinuncia di quindici ghjorna franchi sans avè bisognu di ghjustificà i mutivi d’annulazioni di a compra, è essa rimbursatu. L’annulazioni pò purtà nant’à tuttu o partita di a so risirvazioni. Si conta quindici ghjorna da u lindumani di transazzioni fatta da u clienti.
Quandu u tempu di sti quindici ghjorna finisci un sabatu, una duminica o un ghjornu fistivu, hè aghjurnatu sin’à u primu ghjornu travaddatu dopu.
Passatu stu tempu di rinuncia, i letti è pristazioni cumprati sarani rimbursevuli in casu d’uspitalisazioni o di morti di una parsona cara sin’à setti ghjorna nanzi a data di u sighjornu. Dopu u rimbursamenti ùn hè più pussibili.
In casu di priculu meteò in vigilanza arancia o russa, par ciò chì hè di u dipartimenti di u Pumonti, l’annulazioni hè pussibili u ghjornu stessu di u sighjornu sin’à 8 ori è mezu di sera.
Quandu u drittu di rinuncia si faci, u sindicati Elisa hè tinutu di rimbursà a tutalità di i solda dati da u clienti, in un tempu di trenta ghjorna dopu à a data di a rinuncia.
I dumandi d’annulazion è di rimbursamenti devini essa adrizzati à u Sindicatu Elisa cù sti mudalità:
- In u tempu di rinuncia di i 15 ghjorna, par missaghjaria à quidda adrizza: fanali@syndicatelisa.corsica;
- Par lettera o missaghju (mail) accumpagnatu di i documenti ghjustificativi in casu d’uspitalisazioni, di morti di una parsona cara, o di priculu meteò.
- Par ch’idda fussi validata a dumanda d’annulazioni devi precisà l’indicazioni chì suvitani:
- Casata è nomu di u titulari di a carta bancaria;
- Casata di u clienti;
- Data di transazzioni;
- Numaru di risirvazioni;
- Numaru di i letti è data di i pristazioni;
- Contu di i pristazioni.
- U rimbursamenti si farà par viramenti bancariu o mandatu amministrativu.
Dunqua, i partiti cunvenani chì, in casu di un accessu impussibili à u rifughju par via di un arrestu pritturali, dopu avè ni infurmatu u rifughju par telefonu, u clienti, s’iddu u voli, sarà francu di drittu pienu, di i so ubligazioni è u cuntrattu
sfattu da drittu pienu. U clienti sarà rimbursatu di a tutalità di u pagamentu di i nuttati è pristazioni.
Articulu 7: Annulazioni da parti di u Sindicatu Elisa
U Sindicatu Elisa informa u clienti chì u rifughju si trova in un spaziu sinsibuli, prutettu è scantatu.
Quiddi chì comprani nuttati devini ghjunghja à u rifughju da par iddi.
Quiddi chì comprani nuttati piddani in carica tutti i spesi chì vinariani da un casu di forza maiò, d’un evenimenti irrisistibili, d’un impussibiltà d’accessu à u rifughju: in cunsiquenza, quiddi chì comprani i nuttati pagarani soli i spesi in più, tali alloghju, trasportu, manghjà, chì sariani ingaghjati da iddi in cunsiquenza di una forza maiò, d’un evenimenti irrisistibili o di un antra impussibilità di a rialisazioni di i nuttati.
U cuntrattu ùn si trova micca aghjurnatu d’una perioda currispundanti à quidda induva u clienti ùn hà pulsutu ghjunghja à u rifughju.
I partiti cunvenini chì u Sindicati Elisa t’hà ancu u drittu d’annulà u sighjornu, tandu u clienti sarà rimbursatu di a tutalità di u prezzu di nuttati è pristazioni ch’ùn sò stati rializati.
Articulu 8: Mudificazioni
Una risirvazioni ùn pò essa mudificata, salva annulazioni cf.articulu 6
Articulu 9 : Cuntollu di i tittuli di risirvazioni
Un missaghju di cunfirmazioni di a cummanda sarà mandatu à u clienti par u Sindicatu Elisa. Diverà essa prisintatu à u vardianu di u rifughju par essa certificatu. U documenti « certificatu » sarà cunsirvatu longu u sighjornu è prisintatu in casi di cuntrollu.
Articulu 10 : Sirviziu clienti
U nosciu sirviziu clienti hè à a voscia dispusizioni par ugni rinsignamenti o dumandi. Par purtà vi a risposta a più utili, l’infumazioni dati dopu, sarani utili da ritruvà a voscia cummanda:
- data è numaru di a risirvazioni,
- Numaru di u lettu è data di a pristazioni,
- Contu di i piazzi cumprati.