DI U LITTURALI
-
5 ori Campumoru- Senetosa
Si parti : da Bassa Torra a u panneddu d’intrata di u situ, piddà a dirrizzioni Sinitosa à manca par u chjassu litturali. Travirsà i prati litturali di i Pozzi è francà i punti pitricosi di Scoddi Longhi è di U Scalonu. Dopu à a piaghja di Canuseddu, francà u muru, u picculu rinaghju è andà sin’à a Cala d’Acudda. Ùn si va micca nant’à a rena, si stà nant’à u chjassu chì si ni codda à manca di a vadina chì si franca più luntanu. À a cansa piddà à manca dirizzioni Conca, Senetosa. Si franca i rinaghji di Cala d’Arena è di Conca, si conta un uretta è ghjunghjiti à u fanali di Senetosa , oghji duvintatu un rifughju. -
4 ori Tizzà - Sinitosa
Si parti: in fondu di a marina di Tizzà , l’ubligu litturali pidda a pista par 3 chm ( in vittura rispitteti l’aghjenti chì ci stani, andendu pianu sin’à ghjunghja à Murta Spana induva si pò lacà a vittura), francà Barcaghju, piddà u chjassu di u litturali à manca, dirizzioni u fanali di Senetosa . Ci voli à cuntà dinò 1 ora è mezu nanzi di ghjunghja ci . Si passa i cali di Murta Spana par ghjunghja à a cala di Tromba. U chjassu va cuddendu, francà a sarra è suvità lu à falera sin’à a Cala Longa, pò, passa u rinaghju di a Cala di Tivedda, dopu à 25 mn ghjunghjiti à u fanali di Senetosa oghji duvintatu un rifughju.
Pratichi
U rifughju di Senetosa hè apartu tutti i ghjorna d’aprili à uttrovi, rinsignamenti à u 06 27 77 48 89, o nant’à a paghjina Facebook (refuge du phare de Senetosa), risirvazioni in ligna Campomoro-Senetosa.corsica
Si vendi da bia à u rifughju.
Da i parti di Campumoru :
Ghjunti par a D121, pudeti lacà a vittura à a marina di Campumoru. Aldilà l’accessu ùn hè chì da quiddi chì ci stani. Dopu, à pedi, si traversa u lutissamenti Calanova par ghjunghja à Bassa Torra, induva cumencia u chjassu. Ci voli à cuntà 20 mn marchjendu par tuccà à Bassa Nova, partendu du u cori di u paesi.
Variezza: pudeti cuddà à a torra di Campumoru nanzi di ritruvà u chjassu litturali par Cala Ghjinuvesi, tandu cunteti 40 mn in più cù a visita di a torra.
Si paga l’intrata in l’accinta : 2,50€
Ghjunghjiti à bon ora si vo vuleti truvà piazzi par a vittura in paesi.
Da i parti di Tizzà: Da Sartè piddà dirizzioni Bunifaziu, pò ghjunti in Bucca Albitrina ( à 2 chm), si pidda a cansa à mani dritta dirizzioni Tizzà (D48). A pista hè privata è ùn hè micca intratinuta tutti l’anni.
Si pò lacà a vittura in fini di pista.