Ghjiru

Di Truonu

Surtitu da l’accinta di u fanali, piddà à manca dirizzioni Tizzà. À a cansa, piddà dinò à manca in dirizzioni di a torra di Senetosa è suvità u chjassu chì si ni codda par ghjunghja in 20 mn à u pedi di a torra.
Si passa davanti i picculi caseddi sfraiati è si suvita u chjassu sin’à un ciottulu ( ci hè spissu l’acqua drintu d’invernu è di branu ). Piddà à manca dirizzioni U Chjassu Litturali par ghjunghja à a marina.
Piddà à manca, dirizzioni u fanali di Senetosa, francà una pianura di maredda par ghjunghja à a punta di Senetosa.
Passa accant’à u chjosu è piddà u chjassu à manca par ghjunghja à l’intrata di u fanali.

Pratichi

Meddu hè di passà una nuttata o dui à u rifughju da pudè fà sti ghjiri. Par quiddi ch’ùn si volini piantà à u rifughju, ci voli à aghjustà i tempi di parcorsi di u chjassu litturali sionti u locu di partanza sceltu.

U rifughju di Sinitosa hè apartu tutti i ghjorna d’aprili à uttrovi, rinsignamenti à u 06 27 77 48 89, o nant’à a paghjina Facebook (refuge du phare de Senetosa), risirvazioni in ligna Campomoro-Senetosa.corsica
Si vendi da bia à u rifughju.

Da i parti di Campumoru : Ghjunti par a D121, pudeti lacà a vittura à a marina di Campumoru. Aldilà l’accessu ùn hè chì da quiddi chì ci stani. Dopu, à pedi, si traversa u lutissamenti Calanova par ghjunghja à Bassa Torra, induva cumencia u chjassu. Ci voli à cuntà 20 mn marchjendu par tuccà à Bassa Nova, partendu du u cori di u paesi.

Variezza: pudeti cuddà à a torra di Campumoru nanzi di ritruvà u chjassu litturali par Cala Ghjinuvesi, tandu cunteti 40 mn in più cù a visita di a torra.
Si paga l’intrata in l’accinta : 2,50€
Ghjunghjiti à bon ora si vo vuleti truvà piazzi par a vittura in paesi.

Da i parti di Tizzà: Da Sartè piddà dirizzioni Bunifaziu, pò ghjunti in Bucca Albitrina ( à 2 chm), si pidda a cansa à mani dritta dirizzioni Tizzà (D48). A pista hè privata è ùn hè micca intratinuta tutti l’anni.
Si pò lacà a vittura in fini di pista.