Canuseddu

Si parti da Bassa Torra, da u panneddu d’intrata di u situ, piddà a dirrizzioni Conca à mani manca, pò u chjassu litturali sin’à a piaghja di Canuseddu, francà a pianura è ghjunghja à u muru muratu à l’asseccu ch’ ùn si franca micca è si suvita u chjassu longu u muru par una bedda parti, dirizzioni ghjiru di Canuseddu par cuddà longu à a vadina.
Si franca a piccula ritinuta d’acqua, è si suvita a vadina pò si laca a vaddi cuddendu à manca in una machja bassa. Si laca à dritta u ghjiru di Manna Mulina è si suvita u chjassu sirpintinu chì codda in u vaddi umbrosu. Si franca unipochi di vechji ribbi nant’à a sarra, par scopra una vista particulari nant’à a marina di Campumoru.
Più indà, u chjassu travirsà un muru in petri è ghjunghja à l’aghja di i Pozzi, a torra si vedi tandu. Dopu à l’aghja piddà u caminu di u ritornu dirizzioni Campumoru, suvitendu i curbi di niveddi.
Ritornu à Bassa Torra, surtindu di a chjarina passà davanti u panneddu di u situ par ritruvà u chjassu.