Spassighjata

BELVIDÈ À CAMPUMORU

Longu à u vechju stradeddu tradiziunali chì va da u paisolu nant’à a sarra, à a marina, u chjassu s’infrugna suttu à i licci è a machja vechja, franchendu i cantunicci. Una vista tremenda nant’à i costi pitricosi di l’Aliva è di l’Omu.

Pratichi

A spassighjata cumincia in u paisolu di Campumoru, induva a strada ghjunghji in a marina. Ci voli à cuntà un quartu d’ora par parta in ghjiru da u paesi ( listessa à u ritornu), po 2 ori è quartu par u ghjiru di Canuseddu, circa 5 chilometri. Longu u chjassu d’intarpritazioni chì codda à a torra di Campumoru, canseti vi à senta à «  Antò u torregianu », vi cuntarà a storia di i loca.
U branu hè una di l’epichi i più boni par scopra u situ: u tempu hè dolci, a machja fiurita…